Once upon a time a king

ﺑﺎﺩﺷﺎﮦ ﮐﺎ ﻣﻮﮈ ﺍﭼﮭﺎ ﺗﮭﺎ ‘ ﻭﮦ ﻧﻮﺟﻮﺍﻥ ﻭﺯﯾﺮ ﮐﯽ ﻃﺮﻑ ﻣﮍﺍ ﺍﻭﺭ ﻣﺴﮑﺮﺍ
ﮐﺮ ﭘﻮﭼﮭﺎ ” ﺗﻤﮩﺎﺭﯼ ﺯﻧﺪﮔﯽ ﮐﯽ ﺳﺐ ﺳﮯ ﺑﮍﯼ ﺧﻮﺍﮨﺶ ﮐﯿﺎ ﮨﮯ “ ﻭﺯﯾﺮ
ﺷﺮﻣﺎ ﮔﯿﺎ ‘ ﺍﺱ ﻧﮯ ﻣﻨﮧ ﻧﯿﭽﮯ ﮐﺮ ﻟﯿﺎ ‘ ﺑﺎﺩﺷﺎﮦ ﻧﮯ ﻗﮩﻘﮩﮧ ﻟﮕﺎﯾﺎ ﺍﻭﺭ ﺑﻮﻻ
” ﺗﻢ ﮔﮭﺒﺮﺍﺅ ﻣﺖ ‘ ﺑﺲ ﺍﭘﻨﯽ ﺯﻧﺪﮔﯽ ﮐﯽ ﺳﺐ ﺳﮯ ﺑﮍﯼ ﺧﻮﺍﮨﺶ ﺑﺘﺎﺅ “
ﻭﺯﯾﺮ ﮔﮭﭩﻨﻮﮞ ﭘﺮ ﺟﮭﮑﺎ ﺍﻭﺭ ﻋﺎﺟﺰﯼ ﺳﮯ ﺑﻮﻻ ” ﺣﻀﻮﺭ ﺁﭖ ﺩﻧﯿﺎ ﮐﯽ
ﺧﻮﺑﺼﻮﺭﺕ ﺗﺮﯾﻦ ﺳﻠﻄﻨﺖ ﮐﮯ ﻣﺎﻟﮏ ﮨﯿﮟ ‘ ﻣﯿﮟ ﺟﺐ ﺑﮭﯽ ﯾﮧ ﺳﻠﻄﻨﺖ
ﺩﯾﮑﮭﺘﺎ ﮨﻮﮞ ﺗﻮ ﻣﯿﺮﮮ ﺩﻝ ﻣﯿﮟ ﺧﻮﺍﮨﺶ ﭘﯿﺪﺍ ﮨﻮﺗﯽ ﮨﮯ ﺍﮔﺮ ﺍﺱ ﮐﺎ ﺩﺳﻮﺍﮞ
ﺣﺼﮧ ﻣﯿﺮﺍ ﮨﻮﺗﺎ ﺗﻮ ﻣﯿﮟ ﺩﻧﯿﺎ ﮐﺎ ﺧﻮﺵ ﻧﺼﯿﺐ ﺗﺮﯾﻦ ﺷﺨﺺ ﮨﻮﺗﺎ “
ﻭﺯﯾﺮ ﺧﺎﻣﻮﺵ ﮨﻮ ﮔﯿﺎ ‘ ﺑﺎﺩﺷﺎﮦ ﻧﮯ ﻗﮩﻘﮩﮧ ﻟﮕﺎﯾﺎ ﺍﻭﺭ ﺑﻮﻻ ” ﻣﯿﮟ ﺍﮔﺮ ﺗﻤﮩﯿﮟ
ﺍﭘﻨﯽ ﺁﺩﮬﯽ ﺳﻠﻄﻨﺖ ﺩﮮ ﺩﻭﮞ ﺗﻮ؟ “ ﻭﺯﯾﺮ ﻧﮯ ﮔﮭﺒﺮﺍ ﮐﺮ ﺍﻭﭘﺮ ﺩﯾﮑﮭﺎ ﺍﻭﺭ
ﻋﺎﺟﺰﯼ ﺳﮯ ﺑﻮﻻ ”ﺑﺎﺩﺷﺎﮦ ﺳﻼﻣﺖ ﯾﮧ ﮐﯿﺴﮯ ﻣﻤﮑﻦ ﮨﮯ ‘ ﻣﯿﮟ ﺍﺗﻨﺎ ﺧﻮﺵ
ﻗﺴﻤﺖ ﮐﯿﺴﮯ ﮨﻮ ﺳﮑﺘﺎ ﮨﻮﮞ “ ﺑﺎﺩﺷﺎﮦ ﻧﮯ ﻓﻮﺭﺍً ﺳﯿﮑﺮﭨﺮﯼ ﮐﻮ ﺑﻼﯾﺎ ﺍﻭﺭ
ﺍﺳﮯ ﺩﻭ ﺍﺣﮑﺎﻣﺎﺕ ﻟﮑﮭﻨﮯ ﮐﺎ ﺣﮑﻢ ﺩﯾﺎ ‘ ﺑﺎﺩﺷﺎﮦ ﻧﮯ ﭘﮩﻠﮯ ﺣﮑﻢ ﮐﮯ
ﺫﺭﯾﻌﮯ ﺍﭘﻨﯽ ﺁﺩﮬﯽ ﺳﻠﻄﻨﺖ ﻧﻮﺟﻮﺍﻥ ﻭﺯﯾﺮ ﮐﮯ ﺣﻮﺍﻟﮯ ﮐﺮﻧﮯ ﮐﺎ ﻓﺮﻣﺎﻥ
ﺟﺎﺭﯼ ﮐﺮ ﺩﯾﺎ ‘ ﺩﻭﺳﺮﮮ ﺣﮑﻢ ﻣﯿﮟ ﺑﺎﺩﺷﺎﮦ ﻧﮯ ﻭﺯﯾﺮ ﮐﺎ ﺳﺮ ﻗﻠﻢ ﮐﺮﻧﮯ ﮐﺎ
ﺁﺭﮈﺭ ﺩﮮ ﺩﯾﺎ ‘ ﻭﺯﯾﺮ ﺩﻭﻧﻮﮞ ﺍﺣﮑﺎﻣﺎﺕ ﭘﺮ ﺣﯿﺮﺍﻥ ﺭﮦ ﮔﯿﺎ ‘ ﺑﺎﺩﺷﺎﮦ ﻧﮯ
ﺍﺣﮑﺎﻣﺎﺕ ﭘﺮ ﻣﮩﺮ ﻟﮕﺎﺋﯽ ﺍﻭﺭ ﻭﺯﯾﺮ ﮐﯽ ﺁﻧﮑﮭﻮﮞ ﻣﯿﮟ ﺁﻧﮑﮭﯿﮟ ﮈﺍﻝ ﮐﺮ ﺑﻮﻻ
” ﺗﻤﮩﺎﺭﮮ ﭘﺎﺱ ﺗﯿﺲ ﺩﻥ ﮨﯿﮟ‘ ﺗﻢ ﻧﮯ ﺍﻥ 30 ﺩﻧﻮﮞ ﻣﯿﮟ ﺻﺮﻑ ﺗﯿﻦ
ﺳﻮﺍﻟﻮﮞ ﮐﮯ ﺟﻮﺍﺏ ﺗﻼﺵ ﮐﺮﻧﺎ ﮨﯿﮟ ‘ ﺗﻢ ﮐﺎﻣﯿﺎﺏ ﮨﻮ ﮔﺌﮯ ﺗﻮ ﻣﯿﺮﺍ ﺩﻭﺳﺮﺍ
ﺣﮑﻢ ﻣﻨﺴﻮﺥ ﮨﻮ ﺟﺎﺋﮯ ﮔﺎ ﺍﻭﺭ ﺗﻤﮩﯿﮟ ﺁﺩﮬﯽ ﺳﻠﻄﻨﺖ ﻣﻞ ﺟﺎﺋﮯ ﮔﯽ ﺍﻭﺭ
ﺍﮔﺮ ﺗﻢ ﻧﺎﮐﺎﻡ ﮨﻮ ﮔﺌﮯ ﺗﻮ ﭘﮩﻼ ﺣﮑﻢ ﺧﺎﺭﺝ ﺳﻤﺠﮭﺎ ﺟﺎﺋﮯ ﮔﺎ ﺍﻭﺭ ﺩﻭﺳﺮﮮ
ﺣﮑﻢ ﮐﮯ ﻣﻄﺎﺑﻖ ﺗﻤﮩﺎﺭﺍ ﺳﺮ ﺍﺗﺎﺭ ﺩﯾﺎ ﺟﺎﺋﮯ ﮔﺎ “ ﻭﺯﯾﺮ ﮐﯽ ﺣﯿﺮﺕ
ﭘﺮﯾﺸﺎﻧﯽ ﻣﯿﮟ ﺑﺪﻝ ﮔﺌﯽ ‘ ﺑﺎﺩﺷﺎﮦ ﻧﮯ ﺍﺱ ﮐﮯ ﺑﻌﺪ ﻓﺮﻣﺎﯾﺎ ” ﻣﯿﺮﮮ ﺗﯿﻦ
ﺳﻮﺍﻝ ﻟﮑﮫ ﻟﻮ “ ﻭﺯﯾﺮ ﻧﮯ ﻟﮑﮭﻨﺎ ﺷﺮﻭﻉ ﮐﺮ ﺩﯾﺎ ‘ ﺑﺎﺩﺷﺎﮦ ﻧﮯ ﮐﮩﺎ ”ﺍﻧﺴﺎﻥ
ﮐﯽ ﺯﻧﺪﮔﯽ ﮐﯽ ﺳﺐ ﺳﮯ ﺑﮍﯼ ﺳﭽﺎﺋﯽ ﮐﯿﺎ ﮨﮯ؟ “ ﻭﮦ ﺭﮐﺎ ﺍﻭﺭ ﺑﻮﻻ
” ﺩﻭﺳﺮﺍ ﺳﻮﺍﻝ ‘ ﺍﻧﺴﺎﻥ ﮐﯽ ﺯﻧﺪﮔﯽ ﮐﺎ ﺳﺐ ﺳﮯ ﺑﮍﺍ ﺩﮬﻮﮐﺎ ﮐﯿﺎ ﮨﮯ “ ﻭﮦ
ﺭﮐﺎ ﺍﻭﺭ ﭘﮭﺮ ﺑﻮﻻ ”ﺗﯿﺴﺮﺍ ﺳﻮﺍﻝ‘ ﺍﻧﺴﺎﻥ ﮐﯽ ﺯﻧﺪﮔﯽ ﮐﯽ ﺳﺐ ﺳﮯ ﺑﮍﯼ
ﮐﻤﺰﻭﺭﯼ ﮐﯿﺎ ﮨﮯ “ ﺑﺎﺩﺷﺎﮦ ﻧﮯ ﺍﺱ ﮐﮯ ﺑﻌﺪ ﻧﻘﺎﺭﮮ ﭘﺮ ﭼﻮﭦ ﻟﮕﻮﺍﺋﯽ ﺍﻭﺭ
ﺑﺂﻭﺍﺯ ﺑﻠﻨﺪ ﻓﺮﻣﺎﯾﺎ ” ﺗﻤﮩﺎﺭﺍ ﻭﻗﺖ ﺷﺮﻭﻉ ﮨﻮﺗﺎ ﮨﮯ ﺍﺏ “ ۔
ﻭﺯﯾﺮ ﻧﮯ ﺩﻭﻧﻮﮞ ﭘﺮﻭﺍﻧﮯ ﺍﭨﮭﺎﺋﮯ ﺍﻭﺭ ﺩﺭﺑﺎﺭ ﺳﮯ ﺩﻭﮌ ﻟﮕﺎ ﺩﯼ ‘ﺍﺱ ﻧﮯ ﺍﺱ
ﺷﺎﻡ ﻣﻠﮏ ﺑﮭﺮ ﮐﮯ ﺩﺍﻧﺸﻮﺭ ‘ ﺍﺩﯾﺐ ‘ ﻣﻔﮑﺮ ﺍﻭﺭ ﺫﮨﯿﻦ ﻟﻮﮒ ﺟﻤﻊ ﮐﺌﮯ ﺍﻭﺭ
ﺳﻮﺍﻝ ﺍﻥ ﮐﮯ ﺳﺎﻣﻨﮯ ﺭﮐﮫ ﺩﯾﺌﮯ ‘ ﻣﻠﮏ ﺑﮭﺮ ﮐﮯ ﺩﺍﻧﺸﻮﺭ ﺳﺎﺭﯼ ﺭﺍﺕ
ﺑﺤﺚ ﮐﺮﺗﮯ ﺭﮨﮯ ﻟﯿﮑﻦ ﻭﮦ ﭘﮩﻠﮯ ﺳﻮﺍﻝ ﭘﺮ ﮨﯽ ﮐﻮﺋﯽ ﮐﺎﻧﺴﯿﻨﺴﺲ ﮈﻭﯾﻠﭗ
ﻧﮧ ﮐﺮ ﺳﮑﮯ ‘ ﻭﺯﯾﺮ ﻧﮯ ﺩﻭﺳﺮﮮ ﺩﻥ ﺩﺍﻧﺸﻮﺭ ﺑﮍﮬﺎ ﺩﯾﺌﮯ ﻟﯿﮑﻦ ﻧﺘﯿﺠﮧ
ﻭﮨﯽ ﻧﮑﻼ ‘ ﻭﮦ ﺁﻧﮯ ﻭﺍﻟﮯ ﺩﻧﻮﮞ ﻣﯿﮟ ﻟﻮﮒ ﺑﮍﮬﺎﺗﺎ ﺭﮨﺎ ﻣﮕﺮ ﺍﺳﮯ ﮐﻮﺋﯽ
ﺗﺴﻠﯽ ﺑﺨﺶ ﺟﻮﺍﺏ ﻧﮧ ﻣﻞ ﺳﮑﺎ ﯾﮩﺎﮞ ﺗﮏ ﮐﮧ ﻭﮦ ﻣﺎﯾﻮﺱ ﮨﻮ ﮐﺮ
ﺩﺍﺭﺍﻟﺤﮑﻮﻣﺖ ﺳﮯ ﺑﺎﮨﺮ ﻧﮑﻞ ﮔﯿﺎ ‘
ﻭﮦ ﺳﻮﺍﻝ ﺍﭨﮭﺎ ﮐﺮ ﭘﻮﺭﮮ ﻣﻠﮏ ﻣﯿﮟ ﭘﮭﺮﺍ ﻣﮕﺮ ﺍﺳﮯ ﮐﻮﺋﯽ ﺗﺴﻠﯽ ﺑﺨﺶ
ﺟﻮﺍﺏ ﻧﮧ ﻣﻞ ﺳﮑﺎ ‘ ﻭﮦ ﻣﺎﺭﺍ ﻣﺎﺭﺍ ﭘﮭﺮﺗﺎ ﺭﮨﺎ ‘ ﺷﮩﺮ ﺷﮩﺮ ‘ ﮔﺎﺅﮞ ﮔﺎﺅﮞ ﮐﯽ
ﺧﺎﮎ ﭼﮭﺎﻧﺘﺎ ﺭﮨﺎ ‘ ﺷﺎﮨﯽ ﻟﺒﺎﺱ ﭘﮭﭧ ﮔﯿﺎ‘ ﭘﮕﮍﯼ ﮈﮬﯿﻠﯽ ﮨﻮ ﮐﺮ ﮔﺮﺩﻥ ﻣﯿﮟ
ﻟﭩﮏ ﮔﺌﯽ ‘ ﺟﻮﺗﮯ ﭘﮭﭧ ﮔﺌﮯ ﺍﻭﺭ ﭘﺎﺅﮞ ﻣﯿﮟ ﭼﮭﺎﻟﮯ ﭘﮍ ﮔﺌﮯ‘ ﯾﮩﺎﮞ ﺗﮏ ﮐﮧ
ﺷﺮﻁ ﮐﺎ ﺁﺧﺮﯼ ﺩﻥ ﺁ ﮔﯿﺎ ‘ ﺍﮔﻠﮯ ﺩﻥ ﺍﺱ ﻧﮯ ﺩﺭﺑﺎﺭ ﻣﯿﮟ ﭘﯿﺶ ﮨﻮﻧﺎ ﺗﮭﺎ ‘
ﻭﺯﯾﺮ ﮐﻮ ﯾﻘﯿﻦ ﺗﮭﺎ ﯾﮧ ﺍﺱ ﮐﯽ ﺯﻧﺪﮔﯽ ﮐﺎ ﺁﺧﺮﯼ ﺩﻥ ﮨﮯ ‘ ﮐﻞ ﺍﺱ ﮐﯽ
ﮔﺮﺩﻥ ﮐﺎﭦ ﺩﯼ ﺟﺎﺋﮯ ﮔﯽ ﺍﻭﺭ ﺟﺴﻢ ﺷﮩﺮ ﮐﮯ ﻣﺮﮐﺰﯼ ﭘُﻞ ﭘﺮ ﻟﭩﮑﺎ ﺩﯾﺎ
ﺟﺎﺋﮯ ﮔﺎ ‘
ﻭﮦ ﻣﺎﯾﻮﺳﯽ ﮐﮯ ﻋﺎﻟﻢ ﻣﯿﮟ ﺩﺍﺭﺍﻟﺤﮑﻮﻣﺖ ﮐﯽ ﮐﭽﯽ ﺁﺑﺎﺩﯼ ﻣﯿﮟ ﭘﮩﻨﭻ ﮔﯿﺎ‘
ﺁﺑﺎﺩﯼ ﮐﮯ ﺳﺮﮮ ﭘﺮ ﺍﯾﮏ ﻓﻘﯿﺮ ﮐﯽ ﺟﮭﻮﻧﭙﮍﯼ ﺗﮭﯽ ‘ ﻭﮦ ﮔﺮﺗﺎ ﭘﮍﺗﺎ ﺍﺱ
ﮐﭩﯿﺎ ﺗﮏ ﭘﮩﻨﭻ ﮔﯿﺎ ‘ ﻓﻘﯿﺮ ﺳﻮﮐﮭﯽ ﺭﻭﭨﯽ ﭘﺎﻧﯽ ﻣﯿﮟ ﮈﺑﻮ ﮐﺮ ﮐﮭﺎ ﺭﮨﺎ ﺗﮭﺎ‘
ﺳﺎﺗﮫ ﮨﯽ ﺩﻭﺩﮪ ﮐﺎ ﭘﯿﺎﻟﮧ ﭘﮍﺍ ﺗﮭﺎ ﺍﻭﺭ ﻓﻘﯿﺮ ﮐﺎ ﮐﺘﺎ ﺷﮍﺍﭖ ﺷﮍﺍﭖ ﮐﯽ
ﺁﻭﺍﺯﻭﮞ ﮐﮯ ﺳﺎﺗﮫ ﺩﻭﺩﮪ ﭘﯽ ﺭﮨﺎ ﺗﮭﺎ‘ ﻓﻘﯿﺮ ﻧﮯ ﻭﺯﯾﺮ ﮐﯽ ﺣﺎﻟﺖ ﺩﯾﮑﮭﯽ‘
ﻗﮩﻘﮩﮧ ﻟﮕﺎﯾﺎ ﺍﻭﺭ ﺑﻮﻻ ” ﺟﻨﺎﺏ ﻋﺎﻟﯽ ! ﺁﭖ ﺻﺤﯿﺢ ﺟﮕﮧ ﭘﮩﻨﭽﮯ ﮨﯿﮟ ‘ ﺁﭖ ﮐﮯ
ﺗﯿﻨﻮﮞ ﺳﻮﺍﻟﻮﮞ ﮐﮯ ﺟﻮﺍﺏ ﻣﯿﺮﮮ ﭘﺎﺱ ﮨﯿﮟ “
ﻭﺯﯾﺮ ﻧﮯ ﺣﯿﺮﺕ ﺳﮯ ﺍﺱ ﮐﯽ ﻃﺮﻑ ﺩﯾﮑﮭﺎ ﺍﻭﺭ ﭘﻮﭼﮭﺎ ”ﺁﭖ ﻧﮯ ﮐﯿﺴﮯ
ﺍﻧﺪﺍﺯﮦ ﻟﮕﺎ ﻟﯿﺎ ‘ ﻣﯿﮟ ﮐﻮﻥ ﮨﻮﮞ ﺍﻭﺭ ﻣﯿﺮﺍ ﻣﺴﺌﻠﮧ ﮐﯿﺎ ﮨﮯ “ ﻓﻘﯿﺮ ﻧﮯ
ﺳﻮﮐﮭﯽ ﺭﻭﭨﯽ ﮐﮯ ﭨﮑﮍﮮ ﭼﮭﺎﺑﮯ ﻣﯿﮟ ﺭﮐﮭﮯ ‘ ﻣﺴﮑﺮﺍﯾﺎ ‘ ﺍﭘﻨﺎ ﺑﻮﺭﯾﺎ
ﺍﭨﮭﺎﯾﺎ ﺍﻭﺭ ﻭﺯﯾﺮ ﺳﮯ ﮐﮩﺎ ” ﯾﮧ ﺩﯾﮑﮭﺌﮯ ‘ ﺁﭖ ﮐﻮ ﺑﺎﺕ ﺳﻤﺠﮫ ﺁ ﺟﺎﺋﮯ ﮔﯽ “
ﻭﺯﯾﺮ ﻧﮯ ﺟﮭﮏ ﮐﺮ ﺩﯾﮑﮭﺎ ‘ ﺑﻮﺭﯾﺌﮯ ﮐﮯ ﻧﯿﭽﮯ ﺷﺎﮨﯽ ﺧﻠﻌﺖ ﺑﭽﮭﯽ ﺗﮭﯽ ‘
ﯾﮧ ﻭﮦ ﻟﺒﺎﺱ ﺗﮭﺎ ﺟﻮ ﺑﺎﺩﺷﺎﮦ ﺍﭘﻨﮯ ﻗﺮﯾﺐ ﺗﺮﯾﻦ ﻭﺯﺭﺍﺀﮐﻮ ﻋﻨﺎﯾﺖ ﮐﺮﺗﺎ ﺗﮭﺎ ‘
ﻓﻘﯿﺮ ﻧﮯ ﮐﮩﺎ ” ﺟﻨﺎﺏ ﻋﺎﻟﯽ ﻣﯿﮟ ﺑﮭﯽ ﺍﺱ ﺳﻠﻄﻨﺖ ﮐﺎ ﻭﺯﯾﺮ ﮨﻮﺗﺎ ﺗﮭﺎ‘ ﻣﯿﮟ
ﻧﮯ ﺑﮭﯽ ﺍﯾﮏ ﺑﺎﺭ ﺁﭖ ﮐﯽ ﻃﺮﺡ ﺑﺎﺩﺷﺎﮦ ﺳﮯ ﺷﺮﻁ ﻟﮕﺎﻧﮯ ﮐﯽ ﻏﻠﻄﯽ ﮐﺮ
ﻟﯽ ﺗﮭﯽ‘ﻧﺘﯿﺠﮧ ﺁﭖ ﺧﻮﺩ ﺩﯾﮑﮫ ﻟﯿﺠﺌﮯ “
ﻓﻘﯿﺮ ﻧﮯ ﺍﺱ ﮐﮯ ﺑﻌﺪ ﺳﻮﮐﮭﯽ ﺭﻭﭨﯽ ﮐﺎ ﭨﮑﮍﺍ ﺍﭨﮭﺎﯾﺎ ﺍﻭﺭ ﺩﻭﺑﺎﺭﮦ ﭘﺎﻧﯽ
ﻣﯿﮟ ﮈﺑﻮ ﮐﺮ ﮐﮭﺎﻧﮯ ﻟﮕﺎ‘ ﻭﺯﯾﺮ ﻧﮯ ﺩﮐﮭﯽ ﺩﻝ ﺳﮯ ﭘﻮﭼﮭﺎ ”ﮐﯿﺎ ﺁﭖ ﺑﮭﯽ
ﺟﻮﺍﺏ ﺗﻼﺵ ﻧﮩﯿﮟ ﮐﺮ ﺳﮑﮯ ﺗﮭﮯ “ ﻓﻘﯿﺮ ﻧﮯ ﻗﮩﻘﮩﮧ ﻟﮕﺎﯾﺎ ﺍﻭﺭ ﺟﻮﺍﺏ ﺩﯾﺎ
”ﻣﯿﺮﺍ ﮐﯿﺲ ﺁﭖ ﺳﮯ ﻣﺨﺘﻠﻒ ﺗﮭﺎ ‘ ﻣﯿﮟ ﻧﮯ ﺟﻮﺍﺏ ﮈﮬﻮﻧﮉ ﻟﺌﮯ ﺗﮭﮯ ‘ ﻣﯿﮟ
ﻧﮯ ﺑﺎﺩﺷﺎﮦ ﮐﻮ ﺟﻮﺍﺏ ﺑﺘﺎﺋﮯ‘ ﺁﺩﮬﯽ ﺳﻠﻄﻨﺖ ﮐﺎ ﭘﺮﻭﺍﻧﮧ ﭘﮭﺎﮌﺍ‘ ﺑﺎﺩﺷﺎﮦ ﮐﻮ
ﺳﻼﻡ ﮐﯿﺎ ﺍﻭﺭ ﺍﺱ ﮐﭩﯿﺎ ﻣﯿﮟ ﺁ ﮐﺮ ﺑﯿﭩﮫ ﮔﯿﺎ‘ ﻣﯿﮟ ﺍﻭﺭ ﻣﯿﺮﺍ ﮐﺘﺎ ﺩﻭﻧﻮﮞ
ﻣﻄﻤﺌﻦ ﺯﻧﺪﮔﯽ ﮔﺰﺍﺭ ﺭﮨﮯ ﮨﯿﮟ “ ﻭﺯﯾﺮ ﮐﯽ ﺣﯿﺮﺕ ﺑﮍﮪ ﮔﺌﯽ ﻟﯿﮑﻦ ﯾﮧ
ﺳﺎﺑﻖ ﻭﺯﯾﺮ ﮐﯽ ﺣﻤﺎﻗﺖ ﮐﮯ ﺗﺠﺰﯾﺌﮯ ﮐﺎ ﻭﻗﺖ ﻧﮩﯿﮟ ﺗﮭﺎ ‘
ﺟﻮﺍﺏ ﻣﻌﻠﻮﻡ ﮐﺮﻧﮯ ﮐﯽ ﮔﮭﮍﯼ ﺗﮭﯽ ﭼﻨﺎﻧﭽﮧ ﻭﺯﯾﺮ ﺍﯾﻨﮑﺮ ﭘﺮﺳﻦ ﺑﻨﻨﮯ
ﮐﯽ ﺑﺠﺎﺋﮯ ﻓﺮﯾﺎﺩﯼ ﺑﻦ ﮔﯿﺎ ﺍﻭﺭ ﺍﺱ ﻧﮯ ﻓﻘﯿﺮ ﺳﮯ ﭘﻮﭼﮭﺎ ”ﮐﯿﺎ ﺁﭖ ﻣﺠﮭﮯ
ﺳﻮﺍﻟﻮﮞ ﮐﮯ ﺟﻮﺍﺏ ﺩﮮ ﺳﮑﺘﮯ ﮨﯿﮟ “ ﻓﻘﯿﺮ ﻧﮯ ﮨﺎﮞ ﻣﯿﮟ ﮔﺮﺩﻥ ﮨﻼ ﮐﺮ
ﺟﻮﺍﺏ ﺩﯾﺎ ” ﻣﯿﮟ ﭘﮩﻠﮯ ﺩﻭ ﺳﻮﺍﻟﻮﮞ ﮐﺎ ﺟﻮﺍﺏ ﻣﻔﺖ ﺩﻭﮞ ﮔﺎ ﻟﯿﮑﻦ ﺗﯿﺴﺮﮮ
ﺟﻮﺍﺏ ﮐﮯﻟﺌﮯ ﺗﻤﮩﯿﮟ ﻗﯿﻤﺖ ﺍﺩﺍ ﮐﺮﻧﺎ ﮨﻮ ﮔﯽ “ ﻭﺯﯾﺮ ﮐﮯ ﭘﺎﺱ ﺷﺮﻁ
ﻣﺎﻧﻨﮯ ﮐﮯ ﺳﻮﺍ ﮐﻮﺋﯽ ﺁﭘﺸﻦ ﻧﮩﯿﮟ ﺗﮭﺎ ‘ ﺍﺱ ﻧﮯ ﻓﻮﺭﺍً ﮨﺎﮞ ﻣﯿﮟ ﮔﺮﺩﻥ ﮨﻼ
ﺩﯼ ‘ﻓﻘﯿﺮ ﺑﻮﻻ ” ﺩﻧﯿﺎ ﮐﯽ ﺳﺐ ﺳﮯ ﺑﮍﯼ ﺳﭽﺎﺋﯽ ﻣﻮﺕ ﮨﮯ ‘ ﺍﻧﺴﺎﻥ ﮐﻮﺋﯽ
ﺑﮭﯽ ﮨﻮ ‘ ﮐﭽﮫ ﺑﮭﯽ ﮨﻮ‘ ﻭﮦ ﺍﺱ ﺳﭽﺎﺋﯽ ﺳﮯ ﻧﮩﯿﮟ ﺑﭻ ﺳﮑﺘﺎ “
ﻭﮦ ﺭﮐﺎ ﺍﻭﺭ ﺑﻮﻻ ” ﺍﻧﺴﺎﻥ ﮐﯽ ﺯﻧﺪﮔﯽ ﮐﺎ ﺳﺐ ﺳﮯ ﺑﮍﺍ ﺩﮬﻮﮐﺎ ﺯﻧﺪﮔﯽ
ﮨﮯ ‘ ﮨﻢ ﻣﯿﮟ ﺳﮯ ﮨﺮ ﺷﺨﺺ ﺯﻧﺪﮔﯽ ﮐﻮ ﺩﺍﺋﻤﯽ ﺳﻤﺠﮫ ﮐﺮ ﺍﺱ ﮐﮯ
ﺩﮬﻮﮐﮯ ﻣﯿﮟ ﺁ ﺟﺎﺗﺎ ﮨﮯ “ ﻓﻘﯿﺮ ﮐﮯ ﺩﻭﻧﻮﮞ ﺟﻮﺍﺏ ﻧﺎﻗﺎﺑﻞ ﺗﺮﺩﯾﺪ ﺗﮭﮯ ‘
ﻭﺯﯾﺮ ﺳﺮﺷﺎﺭ ﮨﻮ ﮔﯿﺎ ‘ ﺍﺱ ﻧﮯ ﺍﺏ ﺗﯿﺴﺮﮮ ﺟﻮﺍﺏ ﮐﮯﻟﺌﮯ ﻓﻘﯿﺮ ﺳﮯ
ﺷﺮﻁ ﭘﻮﭼﮭﯽ ‘ ﻓﻘﯿﺮ ﻧﮯ ﻗﮩﻘﮩﮧ ﻟﮕﺎﯾﺎ ‘ ﮐﺘﮯ ﮐﮯ ﺳﺎﻣﻨﮯ ﺳﮯ ﺩﻭﺩﮪ ﮐﺎ
ﭘﯿﺎﻟﮧ ﺍﭨﮭﺎﯾﺎ ‘ ﻭﺯﯾﺮ ﮐﮯ ﮨﺎﺗﮫ ﻣﯿﮟ ﺩﯾﺎ ﺍﻭﺭ ﮐﮩﺎ ” ﻣﯿﮟ ﺁﭖ ﮐﻮ ﺗﯿﺴﺮﮮ ﺳﻮﺍﻝ
ﮐﺎ ﺟﻮﺍﺏ ﺍﺱ ﻭﻗﺖ ﺗﮏ ﻧﮩﯿﮟ ﺩﻭﮞ ﮔﺎ ﺟﺐ ﺗﮏ ﺁﭖ ﯾﮧ ﺩﻭﺩﮪ ﻧﮩﯿﮟ ﭘﯿﺘﮯ “
ﻭﺯﯾﺮ ﮐﮯ ﻣﺎﺗﮭﮯ ﭘﺮ ﭘﺴﯿﻨﮧ ﺁ ﮔﯿﺎ ‘ ﺍﺱ ﻧﮯ ﻧﻔﺮﺕ ﺳﮯ ﭘﯿﺎﻟﮧ ﺯﻣﯿﻦ ﭘﺮ
ﺭﮐﮫ ﺩﯾﺎ ‘ ﻭﮦ ﮐﺴﯽ ﻗﯿﻤﺖ ﭘﺮ ﮐﺘﮯ ﮐﺎ ﺟﻮﭨﮭﺎ ﺩﻭﺩﮪ ﻧﮩﯿﮟ ﭘﯿﻨﺎ ﭼﺎﮨﺘﺎ ﺗﮭﺎ ‘
ﻓﻘﯿﺮ ﻧﮯ ﮐﻨﺪﮬﮯ ﺍﭼﮑﺎﺋﮯ ﺍﻭﺭ ﮐﮩﺎ ”ﺍﻭﮐﮯ ﺗﻤﮩﺎﺭﮮ ﭘﺎﺱ ﺍﺏ ﺩﻭ ﺭﺍﺳﺘﮯ
ﮨﯿﮟ‘ ﺗﻢ ﺍﻧﮑﺎﺭ ﮐﺮ ﺩﻭ ﺍﻭﺭ ﺷﺎﮨﯽ ﺟﻼﺩ ﮐﻞ ﺗﻤﮩﺎﺭﺍ ﺳﺮ ﺍﺗﺎﺭ ﺩﮮ ﯾﺎ ﭘﮭﺮ ﺗﻢ
ﯾﮧ ﺁﺩﮪ ﭘﺎﺅ ﺩﻭﺩﮪ ﭘﯽ ﺟﺎﺅ ﺍﻭﺭ ﺗﻤﮩﺎﺭﯼ ﺟﺎﻥ ﺑﮭﯽ ﺑﭻ ﺟﺎﺋﮯ ﺍﻭﺭ ﺗﻢ ﺁﺩﮬﯽ
ﺳﻠﻄﻨﺖ ﮐﮯ ﻣﺎﻟﮏ ﺑﮭﯽ ﺑﻦ ﺟﺎﺅ‘ ﻓﯿﺼﻠﮧ ﺑﮩﺮﺣﺎﻝ ﺗﻢ ﻧﮯ ﮐﺮﻧﺎ ﮨﮯ “ ﻭﺯﯾﺮ
ﻣﺨﻤﺼﮯ ﻣﯿﮟ ﭘﮭﻨﺲ ﮔﯿﺎ‘ ﺍﯾﮏ ﻃﺮﻑ ﺯﻧﺪﮔﯽ ﺍﻭﺭ ﺁﺩﮬﯽ ﺳﻠﻄﻨﺖ ﺗﮭﯽ ﺍﻭﺭ
ﺩﻭﺳﺮﯼ ﻃﺮﻑ ﮐﺘﮯ ﮐﺎ ﺟﻮﭨﮭﺎ ﺩﻭﺩﮪ ﺗﮭﺎ ‘ ﻭﮦ ﺳﻮﭼﺘﺎ ﺭﮨﺎ ‘
ﺳﻮﭼﺘﺎ ﺭﮨﺎ ﯾﮩﺎﮞ ﺗﮏ ﮐﮧ ﺟﺎﻥ ﺍﻭﺭ ﻣﺎﻝ ﺟﯿﺖ ﮔﯿﺎ ﺍﻭﺭ ﺳﯿﻠﻒ ﺭﯾﺴﭙﯿﮑﭧ ﮨﺎﺭ
ﮔﺌﯽ ‘ ﻭﺯﯾﺮ ﻧﮯ ﭘﯿﺎﻟﮧ ﺍﭨﮭﺎﯾﺎ ﺍﻭﺭ ﺍﯾﮏ ﮨﯽ ﺳﺎﻧﺲ ﻣﯿﮟ ﺩﻭﺩﮪ ﭘﯽ ﮔﯿﺎ ‘ ﻓﻘﯿﺮ
ﻧﮯ ﻗﮩﻘﮩﮧ ﻟﮕﺎﯾﺎ ﺍﻭﺭ ﺑﻮﻻ ” ﻣﯿﺮﮮ ﺑﭽﮯ ‘ ﺍﻧﺴﺎﻥ ﮐﯽ ﺳﺐ ﺳﮯ ﺑﮍﯼ
ﮐﻤﺰﻭﺭﯼ ﻏﺮﺽ ﮨﻮﺗﯽ ﮨﮯ ‘ ﯾﮧ ﺍﺳﮯ ﮐﺘﮯ ﮐﺎ ﺟﻮﭨﮭﺎ ﺩﻭﺩﮪ ﺗﮏ ﭘﯿﻨﮯ ﭘﺮ
ﻣﺠﺒﻮﺭ ﮐﺮ ﺩﯾﺘﯽ ﮨﮯ ﺍﻭﺭ ﯾﮧ ﻭﮦ ﺳﭻ ﮨﮯ ﺟﺲ ﻧﮯ ﻣﺠﮭﮯ ﺳﻠﻄﻨﺖ ﮐﺎ
ﭘﺮﻭﺍﻧﮧ ﭘﮭﺎﮌ ﮐﺮ ﺍﺱ ﮐﭩﯿﺎ ﻣﯿﮟ ﺑﯿﭩﮭﻨﮯ ﭘﺮ ﻣﺠﺒﻮﺭ ﮐﺮ ﺩﯾﺎ ﺗﮭﺎ ‘ ﻣﯿﮟ ﺟﺎﻥ
ﮔﯿﺎ ﺗﮭﺎ‘ ﻣﯿﮟ ﺟﻮﮞ ﺟﻮﮞ ﺯﻧﺪﮔﯽ ﮐﮯ ﺩﮬﻮﮐﮯ ﻣﯿﮟ ﺁﺅﮞ ﮔﺎ ‘ ﻣﯿﮟ ﻣﻮﺕ ﮐﯽ
ﺳﭽﺎﺋﯽ ﮐﻮ ﻓﺮﺍﻣﻮﺵ ﮐﺮﺗﺎ ﺟﺎﺅﮞ ﮔﺎ ﺍﻭﺭ ﻣﯿﮟ ﻣﻮﺕ ﮐﻮ ﺟﺘﻨﺎ ﻓﺮﺍﻣﻮﺵ ﮐﺮﺗﺎ
ﺭﮨﻮﮞ ﮔﺎ ‘ ﻣﯿﮟ ﺍﺗﻨﺎ ﮨﯽ ﻏﺮﺽ ﮐﯽ ﺩﻟﺪﻝ ﻣﯿﮟ ﺩﮬﻨﺴﺘﺎ ﺟﺎﺅﮞ ﮔﺎ ﺍﻭﺭ ﻣﺠﮭﮯ
ﺭﻭﺯ ﺍﺱ ﺩﻟﺪﻝ ﻣﯿﮟ ﺳﺎﻧﺲ ﻟﯿﻨﮯ ﮐﮯﻟﺌﮯ ﻏﺮﺽ ﮐﺎ ﻏﻠﯿﻆ ﺩﻭﺩﮪ ﭘﯿﻨﺎ ﭘﮍﮮ
ﮔﺎ ﻟﮩٰﺬﺍ ﻣﯿﺮﺍ ﻣﺸﻮﺭﮦ ﮨﮯ ‘ ﺯﻧﺪﮔﯽ ﮐﯽ ﺍﻥ ﺗﯿﻨﻮﮞ ﺣﻘﯿﻘﺘﻮﮞ ﮐﻮ ﺟﺎﻥ ﻟﻮ ‘
ﺗﻤﮩﺎﺭﯼ ﺯﻧﺪﮔﯽ ﺍﭼﮭﯽ ﮔﺰﺭﮮ ﮔﯽ “ ﻭﺯﯾﺮ ﺧﺠﺎﻟﺖ ‘ ﺷﺮﻣﻨﺪﮔﯽ ﺍﻭﺭ
ﺧﻮﺩﺗﺮﺳﯽ ﮐﺎ ﺗﺤﻔﮧ ﻟﮯ ﮐﺮ ﻓﻘﯿﺮ ﮐﯽ ﮐﭩﯿﺎ ﺳﮯ ﻧﮑﻼ ﺍﻭﺭ ﻣﺤﻞ ﮐﯽ ﻃﺮﻑ
ﭼﻞ ﭘﮍﺍ ‘ ﻭﮦ ﺟﻮﮞ ﺟﻮﮞ ﻣﺤﻞ ﮐﮯ ﻗﺮﯾﺐ ﭘﮩﻨﭻ ﺭﮨﺎ ﺗﮭﺎ ﺍﺱ ﮐﮯ ﺍﺣﺴﺎﺱ
ﺷﺮﻣﻨﺪﮔﯽ ﻣﯿﮟ ﺍﺿﺎﻓﮧ ﮨﻮ ﺭﮨﺎ ﺗﮭﺎ ‘ ﺍﺱ ﮐﮯ ﺍﻧﺪﺭ ﺫﻟﺖ ﮐﺎ ﺍﺣﺴﺎﺱ ﺑﮍﮪ
ﺭﮨﺎ ﺗﮭﺎ ‘ ﻭﮦ ﺍﺱ ﺍﺣﺴﺎﺱ ﮐﮯ ﺳﺎﺗﮫ ﻣﺤﻞ ﮐﮯ ﺩﺭﻭﺍﺯﮮ ﭘﺮ ﭘﮩﻨﭽﺎ‘
ﺍﺱ ﮐﮯ ﺳﯿﻨﮯ ﻣﯿﮟ ﺧﻮﻓﻨﺎﮎ ﭨﯿﺲ ﺍﭨﮭﯽ ‘ ﻭﮦ ﮔﮭﻮﮌﮮ ﺳﮯ ﮔﺮﺍ ‘ ﻟﻤﺒﯽ
ﮨﭽﮑﯽ ﻟﯽ ﺍﻭﺭ ﺍﺱ ﮐﯽ ﺭﻭﺡ ﻗﻔﺲ ﻋﻨﺼﺮﯼ ﺳﮯ ﭘﺮﻭﺍﺯ ﮐﺮ ﮔﺌﯽ۔ﮨﻤﯿﮟ
ﮐﺴﯽ ﺩﻥ ﮐﺴﯽ ﭨﮭﻨﮉﯼ ﺟﮕﮧ ﭘﺮ ﺑﯿﭩﮫ ﮐﺮ ﺯﻧﺪﮔﯽ ﮐﮯ ﺍﻥ ﺑﻨﯿﺎﺩﯼ ﺳﻮﺍﻟﻮﮞ
ﭘﺮ ﺿﺮﻭﺭ ﻏﻮﺭ ﮐﺮﻧﺎﭼﺎﮨﯿﮯ ‘ ﮨﻤﯿﮟ ﯾﮧ ﺳﻮﭼﻨﺎ ﭼﺎﮨﯿﮯ ﮨﻢ ﻟﻮﮒ ﮐﮩﯿﮟ ﺯﻧﺪﮔﯽ
ﮐﮯ ﺩﮬﻮﮐﮯ ﻣﯿﮟ ﺁ ﮐﺮ ﻏﺮﺽ ﮐﮯ ﭘﯿﭽﮭﮯ ﺗﻮ ﻧﮩﯿﮟ ﺑﮭﺎﮒ ﺭﮨﮯ ‘ ﮨﻢ ﻟﻮﮒ
ﮐﮩﯿﮟ ﻣﻮﺕ ﮐﻮ ﻓﺮﺍﻣﻮﺵ ﺗﻮ ﻧﮩﯿﮟ ﮐﺮ ﺑﯿﭩﮭﮯ ‘ ﮨﻢ ﮐﮩﯿﮟ ﺍﺱ ﮐﮩﺎﻧﯽ ﮐﮯ
ﻭﺯﯾﺮ ﺗﻮ ﻧﮩﯿﮟ ﺑﻦ ﮔﺌﮯ ‘ ﻣﺠﮭﮯ ﯾﻘﯿﻦ ﮨﮯ ﮨﻢ ﻟﻮﮔﻮﮞ ﻧﮯ ﺟﺲ ﺩﻥ ﯾﮧ
ﺳﻮﭺ ﻟﯿﺎ ﺍﺱ ﺩﻥ ﮨﻢ ﻏﺮﺽ ﮐﮯ ﺍﻥ ﻏﻠﯿﻆ ﭘﯿﺎﻟﻮﮞ ﺳﮯ ﺑﺎﻻﺗﺮ ﮨﻮ ﺟﺎﺋﯿﮟ
ﮔﮯ۔